1.25 Ano ang aral sa kwento ni Job?

Maganda ang buhay ni Job at nagtiwala siya nang buo sa Diyos, ngunit may napakahihirap na mga bagay ang nangyari sa kanya (halimbawa, lahat ng mga anak niya ay namatay at nagkasakit siya). Sa kabila ng masaklap na mga pangyayari, patuloy siyang nagtiwala sa Diyos. Ang mga masasamang bagay sa buhay niya ay galing kay Satanas (ang demonyo), na nag-akala na nananampalataya lamang si Job dahil maganda ang kanyang buhay. (Job. 1:6-12) Job 1:6-12 Dumating ang araw na ang mga anak ng Diyos ay humarap kay Yahweh at naroon din si Satanas. Tinanong ni Yahweh si Satanas, “Ano ba'ng pinagkakaabalahan mo ngayon?” “Nagpapabalik-balik ako sa lahat ng sulok ng daigdig,” sagot ni Satanas. “Napansin mo ba ang lingkod kong si Job?” tanong ni Yahweh. “Wala siyang katulad sa daigdig. Mabuti siyang tao, sumasamba sa akin, at umiiwas sa masamang gawain,” dugtong pa ni Yahweh. Sumagot si Satanas, “Sasambahin pa kaya kayo ni Job kung wala na siyang nakukuha mula sa inyo? Inaalagaan ninyo siya, ang kanyang pamilya at ang lahat ng ari-arian niya. Pinagpapala ninyo ang lahat ng kanyang gawin, at halos punuin ninyo ng kanyang kayamanan ang buong lupain. Subukan ninyong alisin ang lahat-lahat sa buhay niya at harap-harapan niya kayong susumpain.” Sinabi ni Yahweh kay Satanas, “Kung gayon, gawin mo nang lahat ang gusto mong gawin sa kanya, huwag mo lamang siyang sasaktan.” At umalis si Satanas sa harapan ni Yahweh.

Ginawa ni Satanas ang lahat ng makakaya niya upang mawala ang pananampalataya ni Job, ngunit patuloy na nagtiwala si Job sa Diyos lamang. Pinagpala sa wakas ang kanyang pagtitiyaga: matapos sumuko si Satanas, pinagpala ng Diyos ang buhay ni Job (Job. 42:12) Job 42:12 Ang mga huling araw ni Job ay higit na pinagpala ni Yahweh. Binigyan niya ito ng labing-apat na libong tupa, anim na libong kamelyo, dalawang libong baka at sanlibong inahing asno.. Gayun din para sa atin, ang mensahe ay ang pagtitiwala ng Diyos ay lubos na ginagantimpalaan, ngayon sa mundo o bandang huli sa langit. Sa kabila ng pahihirap na ating nakikita at nararanasan araw-araw sa mundong ito, ang ating buhay at ang ating mga paghihirap ay may kabuluhan, salamat sa pag-ibig ng Diyos.