3.11 Anong uri ng panalangin ang Ama Namin?

Ang Aming Ama ay ang "buod ng buong Ebanghelyo" (Tertullian), " ang sakdal na panalangin"
(Saint Thomas Aquinas). Matatagpuan ito sa gitna ng Sermon sa Bundok (Mateo 5-7), at ipinakikita
sa anyo ng panalangin ang mahalagang nilalaman ng Ebanghelyo. [CCCC 579]

Ang  " Aming"  ay nagpapahayag ng isang ganap na bagong kaugnayan sa Diyos. 
Kapag nananalangin tayo sa Ama, sinasamba at pinupuri natin siya kasama ng Anak at ng 
Espiritu Santo. Sa pamamagitan ni Kristo tayo ay  " ng Kanyang"  bayan at Siya ang " ating "
Diyos ngayon at magpakailanman.Sa katunayan, sinasabi rin natin na Ama Namin sapagkat ang
Simbahan ni Cristo ay ang pakikipagsapalaran ng maraming kapatid na lalaki at babae na may
"isang puso at isa lamang isip" (Gawa 4:32). [CCCC 584]

Ito'y naglalaman ng pitong kahilingan sa Diyos na Ama. Ang unang tatlo, na higit na nakatuon sa Diyos, ay umaakit sa atin sa kaniya para sa kaniyang kaluwalhatian; ito'y katangian ng pag-ibig na isipin muna ang minamahal. Ipinakikita ng mga kahilingan na ito kung ano ang dapat nating hilingin sa kaniya: ang pagbanal sa kaniyang Pangalan, ang pagdating ng kaniyang Kaharian, at ang katuparan ng kaniyang kalooban. Ang huling apat na kahilingan ay nagpapakita sa Ama ng awa ng ating kabagabagan at ng ating mga inaasahan. Hinihiling nila sa kaniya na pakanin tayo, patawarin tayo, tulungan tayo sa mga tukso, at iligtas tayo sa Masamang Isa. [CCCC 587]

Hinihiling natin sa Diyos na ating Ama na huwag tayong iwan na mag-isa at sa kapangyarihan ng tukso. Hinihiling natin sa Espiritu Santo na tulungan tayo upang malaman kung paano makilala, sa isang banda, ang pagsubok na nagpapalago sa atin sa kabutihan at ang tukso na humahantong sa kasalanan at kamatayan at, sa kabilang banda, sa pagitan ng pagiging tukso at pag-aayon sa tukso. Ang kahilingan na ito ay nagsasama sa atin kay Jesus na nagtagumpay sa tukso sa pamamagitan ng kaniyang panalangin. Ito'y humihiling ng biyaya ng pagbantay at ng pangwakas na pagtitiyaga. [CCCC 596]

Ama namin, sumasalangit Ka.
Sambahin ang ngalan Mo.
Mapasaamin ang Kaharian Mo.
Sundin ang loob Mo rito sa lupa para nang sa langit.
Bigyan Mo kami ngayon ng aming kakanin sa araw-araw.
At patawarin Mo kami sa aming mga sala,
para nang pagpapatawad namin sa nagkakasala sa amin.
At huwag Mo kaming ipahintulot sa tukso,
at iadya Mo kami sa lahat ng masama. Amen.

In Latin:

Pater noster, qui es in caelis;
sanctificetur nomen tuum; adveniat regnum tuum,
fiat voluntas tua, sicut in caelo et in terra.
Panem nostrum quotidianum da nobis hodie;
et dimitte nobis debita nostra,
sicut et nos dimittimus debitoribus nostris;
et ne nos inducas in tentationem;
sed libera nos a malo.
Quia tuum est regnum, et potestas, et gloria
in saecula. Amen.

Ang Ama Namin ang tanging panalanging itinuro ni Jesus sa Kanyang mga alagad (Mt 6:9-13; Lc 11:2-4). Kaya ang Ama Namin ay tinatawag ring "Panalangin ng Panginoon." Ang mga Kristiyano ng lahat ng Kristiyanong denominasyon ay dinarasal ito araw-araw, kapwa sa pagsamba at sa pribadong pagdarasal. Ang karugtong, "Sapagkat sa Iyo ang kaharian..." ay nabanggit na sa Doktrina ng labindalawang apostol (Didaché, mga 150 AD) at maaaring idagdag sa Ama Namin. [Youcat 511]

Mayroon tayong lakas ng loob na tawaging "Ama" ang Diyos dahil tinawag tayo ni Jesus malapit sa Kanya at ginawa tayong mga anak ng Diyos. Kasama Niya na "siyang nasa kandungan ng Ama" (Jn 1:18), maaari tayong manawagang "Abba, Ama!" [Youcat 515]

Ang Ama Namin ay hinahayaan tayong buong kagalakang matuklasan na tayo ay mga anak ng iisang Ama. Ang ating pangkaraniwang bokasyon ay ang purihin ang ating Ama at mabuhay sa piling ng bawat isa nang "isang puso at isang kaluluwa" (Gawa 4:32).

Dahil minamahal ng Diyos Ama ang bawat isa sa Kanyang mga anak na may parehong natatanging pagmamahal, na para bang tayo lamang ang pinagtutuonan ng Kanyang pagmamahal, dapat din tayong makitungo sa isa't-isa sa isang ganap na bagong paraan: puno ng kapayapaan, pag-aasikaso at pag-ibig - upang ang bawat isa ay maaaring maging kamangha-manghang himala na siya ngang totoo sa paningin ng Diyos. [Youcat 517]

"Hindi sa tinapay lamang nabubuhay ang tao kundi sa bawat namumutawi sa bibig ng Diyos" (Mt 4:4 ayon sa Dt 8:3).

Pinapaalala sa atin nitong banal na kasulatan na may espirituwal na kagutuman ang mga tao na hindi mapupunan ng mga materyal na bagay. Maaaring mamatay ang tao dahil sa kakulangan ng tinapay, ngunit maaari ring mamatay ang tao dahil tinapay lamang ang natanggap niya. Sa kailaliman ay pinalalakas tayo ng "mga salita ng buhay magpakailanman" (Juan 6:68) at ng "pagkaing namamalagi hanggang buhay na magpakailanman" (Jn 6:27) - ang banal na → Eukaristiya. [Youcat 523]

Ang "masama" sa Ama Namin ay hindi isang negatibong espirituwal na kapangyarihan o enerhiya, kundi ang masamang nilalang na kinikilala sa Banal na Kasulatan bilang manunukso, ang ama ng kasinungalingan, Satanas o Diyablo.

Walang sinuman ang tatanggi na ang kasamaan sa mundo ay mula sa mapaminsalang karahasan, na napapalibutan tayo ng mga bulong ng diyablo, na madalas nagaganap sa kasaysayan ang mga mala-demonyong proseso. Tanging ang Banal na Kasulatan ang tumatawag sa mga bagay sa kanilang pangalan: "Sapagkat hindi laman at dugo ang ating mga kalaban, kundi ang mga Pamunuan at Kapangyarihan na mga pinuno ng mundong ito ng dilim; sila ang masasamang espiritung nasa kaitaasan" (Ef 6:12). Ang kahilingan sa Ama Namin na "iadya Mo kami sa lahat ng masama" ay dinadala sa harap ng Diyos ang lahat ng paghihirap sa mundong ito at nagsusumamo na palayain tayo ng Makapangyarihang Diyos sa lahat ng ksasamaan, tulad din ng ipinahayag sa → embolismo. [Youcat 526]

Mula noong sinaunang panahon, ang mga Kristiyano at pati na rin ang mga Judio ay winawakasan ang lahat ng kanilang mga panalangin ng "Amen" na sa gayo'y nagsasabing: "Oo, mangyari nawa!"

Kung saan sinasabi ng taong "Amen" sa kanyang mga salita, "Amen" sa kanyang buhay at kapalaran, "Amen" sa kagalakang naghihintay sa kanya, doo'y nagsasama ang langit at lupa, at narating na natin ang ating layunin: sa pag-ibig na lumikha sa atin sa simula. [Youcat 527]